இயற்கை முறையில் பூங்கார் நெல் சாகுபடி

 Poonkar paddy cultivation in a Organic way

பூங்கார் நெல் 

இது ஒரு எழுபது முதல் என்பது நாள் வயது கொண்ட  குறுகிய கால நெல் பயிராகும் . எல்லா பருவத்திற்க்கும் ஏற்ற ரகமாகும் . அதிக வெள்ளம் உள்ள சமயங்களிலும் அல்லது வரட்சி உள்ள நேரத்திலும் நன்கு தாங்கி வளரக்கூடிய ரகமாகவும், கதிர் அறுவடை சமயத்தில் மழை  பெய்தால் கூட நாப்பது நாட்கள் விதை உறக்கத்திற்கு பின்பே முளைக்கும் , நேர் கதிர்கள் நீருக்குள் மூழ்கி இருந்தாலும் முளைக்காது . முன்னாளில் இதனை "அறுபதாம் கொடை" என்று அழைக்கப்பட்டது நோய் எதிர்ப்பு கொண்ட ரகமாகவும் அதிக மகசூல் தரக்கூடியது .  இட்லி  மற்றும் தோசை செய்வதற்க்கு சிறந்த ரகமாகும் மேலும் இதன் தவிடு சுவையானதாக இருக்கும்.

மருத்துவ குணம் 

பூங்கார் அரிசியை  தொடர்ந்து சாப்பிடுவதால் உடலுக்கு அதிக வலிமை கிடைக்கிறது ஒரு இயலப்பான நோய் எதிர்ப்பு சக்தி கிடைக்கும், கர்ப்பிணி பெண்களுக்கு இயல்பான பிரசவம் நடைபெறும் .

நாற்றங்கால் தயாரிப்பு 

தமிழ்நாட்டில் எல்ல மாவட்டங்களில் உள்ள மண் வகைகளுக்கு ஏற்றது இந்த பூங்கார் ரகம் ஆண்டுக்கு மும்முறை சாகுபடி செய்யலாம். 

அனைத்து பட்டங்களிலும் சாகுபடி செய்யலாம் என்றாலும் கார் , இடைக்கார் மற்றும் சம்பா , இடைச்சம்பா பட்டங்களில் செய்வது சிறந்தது. நிலத்தை 2 முறை உழுது ஒரு வாரம் காயவிட்டபின்னர்  இரண்டு வண்டி தொழு உரம் இட்டு உழ வேண்டும்.இரண்டு ஏக்கர் நடவு செய்ய ஐந்து சென்ட் தேவைப்படும் 20  கிலோ பூங்கார் நெல்லை எடுத்து ஒரு மூன்று மணி நேரம் நிழலில் உலர்த்தி , 20 கிலோ கொள்ளும் அளவுக்கு ஒரு ட்ரம்மை எடுத்து கொண்டு அதி நீரை ஊற்றி முழுகும் அளவுக்கு நெல்லை கொட்ட வேண்டும் . மிதக்கும் தரமற்ற விதைகளை எடுத்துவிட்டு பன்னிரெண்டு மணி நேரம் ஊறவைக்கவேண்டும். பின்பு ஒரு சாக்கில் போட்டு இறுக்கி கட்டிவிட வேண்டும். 10 லிட்டர் தண்ணீரில் 200 மில்லி பஞ்சகாவியவை கலந்து அந்த சாக்கின் மீது ஊற்றி விட வேண்டும் , வைக்கோலை வைத்து மூடி இருபத்திநான்கு மணிநேரம் கழித்து லேசாக முளைத்திருக்கும் அதை நாற்றங்காலில் தூவி விட வேண்டும் .விதைத்த மூன்று, பத்து , மற்றும் 15  நாட்களில் பஞ்சகாவிய தெளிக்கலாம் ,கைத்தெளிப்பானை பயன்படுத்துவது நல்லது .

வயலில்

22 ஆம் நாள்  நாற்றுகளை பறித்து வயல்களில் நடலாம் நடுவதற்க்கு முன் பஞ்சகவியாவில் நனைத்து பத்து நிமிடங்கள் வைத்து பின்னர் நடவு செய்யலாம். நடவு செய்ததிலிருந்து 10 நாட்கள் இடைவெளியில் ஏக்கருக்கு 200 மில்லி பஞ்சகாவியவை 10 லிட்டர் தண்ணீரில் கலந்து தரைவழி  கொடுக்கவேண்டும் . 15 நாட்களுக்கு ஒரு முறை ஏதாவது ஒரு பூச்சி விரட்டி தெளிக்கவேண்டும் . 15 மற்றும் 35 வது  நாள் மீன் அமிலம் கொடுக்கலாம் . பத்து நாட்கள் இடைவெளியில் இரண்டு தடவை ஜீவாமிர்தம் தரைவழி கொடுக்கலாம் .  70 முதல் 80 வது  நாள் அறுவடைக்கு வரும் .